Sebuah Puisi: Kase Qta

Kase Qta

[Oleh Iswan Sual]

kase qta captikus kalu ngoni nda becus

nda pantas ngoni jadi politikus
ngoni injang tu demokrasi
depe bobo sama deng terasi

mar ba aksi iko strat
tutu kaca stel nda kanal
padahal waktu pilkada
badiri di mimbar caricari muka

kase qta ingus kalu musti pake fulus
nda cocok ngoni pe gelar doktorandus
bagra sadiki gunting putus
for cari tu'us

kase qta nasi tustus
kalu di hati nyanda ada tulus
biar jo kita kurus
yang penting jao tu nama busu

Tataaran, 27/10/2012